ഇനി ഒരു കടുകട്ടി നിരൂപണം ആവാം ....

 "ഹലോ കേൾക്കാമോ റേഞ്ച് ഇല്ല... നാശം പിടിച്ച മഴ ....പാലത്തായി , ലൈംഗിക സ്വാതന്ത്ര്യം ,നവമാധ്യമങ്ങളിലെ സ്ത്രീകൾക്കെതിരായ  സൈബർബുള്ളിയിങ് , വിജയലക്ഷ്മിയുടെ കവിതകളെ പറ്റിയുള്ള എന്റെ നിരൂപണം ,  ...എന്തൊക്കെ പോസ്റ്റുകൾ ആണെന്നോ എഴുതി ഷെയർ ചെയാൻ വെച്ചിരിക്കുന്നെ..

പിന്നെ വനിതാരത്നങ്ങൾക്ക് നേരെ യുള്ള തെറിയഭിഷേകവും സോഷ്യൽ മീഡിയ ആക്രമണങ്ങളും ഒറ്റ പോസ്റ്റായി ഷെയർ ചെയ്ത അഭിപ്രായരേഖപെടുത്താനും ഉണ്ട് ."

"ആഹ്  ...ധപ്പടിനെ പുകഴ്ത്തി നീയൊരു നിരീക്ഷണം പങ്കുവെച്ചില്ലേ ...അഭ്രപാളിയിലെ സ്ത്രീശബ്ദങ്ങൾ ആണ് ഈ ആഴ്ചത്തെ വെബ്ബിനാറു . നിന്നെ അതിഥിയായി  ക്ഷണിക്കാനാ ഇപ്പൊ ഫോൺ വിളിച്ചത് ."

"ഓ അതൊക്കെ റെഡി ."

"പിന്നെ വൈഫ് എന്ത്യേ . കൊറോണ ആയെ പിന്നെ ഓൺലൈൻലൊന്നും കാണാറും ഇല്ല മെസ്സേജിന് റിപ്ലയുമില്ല" .


"ഓ ലോക്ഡൌൺ എന്നൊക്കെ പറഞ്ഞിട് എന്താ... ഭാര്യയെ ഞാൻ പോലും കാണാറില്ലന്നെ . ഫുഡ് ഉണ്ടാക്കാനും വീട് വൃത്തിയാക്കാനും  മോൻ തല്ലിപ്പൊട്ടിക്കുന്നതൊക്കെ അടുക്കിവെക്കാനുമൊക്കെ  ആയി കക്ഷി ഫുൾ ബിസി ആണ് "

Comments

Post a Comment

Popular posts from this blog

'പ്രണയവിലാസം' നൽകുന്ന വിചിത്രമായ സന്ദേശങ്ങൾ

Image
പെണ്ണുങ്ങളുടെ പ്രണയം രഹസ്യമാക്കി ഏതെങ്കിലും മൂലയിൽ പൊടിപിടിച്ചു മായ്ക്കപ്പെടേണ്ടതും അവരുടെ മരണത്തോടൊപ്പം ഭൂമുഖത്തു നിന്ന് അപ്രത്യക്ഷമാകേണ്ടതുമാണ്. അല്ലെങ്കിൽ ആൺ അഹന്ത കലിതുള്ളി കൊലപാതകങ്ങൾ സൃഷ്ടിച്ചെന്ന് വരും. അതൊരു സ്വാഭാവികമായ സംഗതിയല്ല. അവൾ നല്ലനടപ്പിന്റെ ലക്ഷ്മണരേഖ മുറിച്ചുകടന്നവളാണ്. സിനിമയുടെ ഭാഷണത്തിൽ , അത്തരത്തിലുള്ളവരെ വിവാഹംകഴിക്കുന്നത് , 'പെട്ടുപോകുന്ന' 'നിഷ്കളങ്കരായ" ചില "മണ്ടന്മാരാണ്". പാവം 'ഇരയാക്കപ്പെട്ടവർ' !!!!!!!! പെണ്ണിന്റെ പൂർവകാല പ്രണയം കഥാതന്തുവാകാൻ ഒന്നുകിൽ പെണ്ണ് കൊല്ലപ്പെടണം അല്ലെങ്കിൽ അവൾക്ക് മരണം സംഭവിക്കണം . ജീവിച്ചിരിക്കുമ്പോൾ അതൊരു സാധാരണ വിഷയമായി ദഹിക്കാൻ കഴിയില്ല. തൊണ്ടയിൽകുടുങ്ങുകയേ ഉള്ളൂ . ആണുങ്ങളുടെ പൂർവകാല പ്രേമം പറയാൻ ഈ വക വളച്ചുകെട്ടലൊന്നും വേണ്ട. അത് സർവ സാധാരണമായ സംഗതിയല്ലേ??? അതിനി പിടിക്കപ്പെട്ട് നീരസം തോന്നിയാലും പെണ്ണുങ്ങൾ അങ്ങ് ക്ഷമിച്ചോളും . തന്റെ ഭാര്യ പൂർവ്വകാമുകനുമായി ഒളിച്ചോടും മുമ്പേ താൻ കല്യാണം കഴിച്ചെന്നത് അച്ഛൻ കഥാപാത്രത്തിനു വളരെയധികം ആശ്വാസം നൽകുന്നുണ്ട്. അവളുട
Read more

ഒളിയമ്പുകൾ

ഇടക്ക് ഞാൻ നിന്റെ കിടപ്പു മുറിയിൽ  ആരുമറിയാതെ ഒളിച്ചു കടന്നു വരാറുണ്ടായിരുന് നു . എഴുതാനറച്ച വാക്കുകളെ ഗ്രില്ല് ചെയ്തെടുത്തു ഇടയ്ക്കിടെ കൊറിക്കുന്ന എണ്ണ പുരണ്ട വസ്ത്രങ്ങൾ കഴുകാതെ കിടപ്പുണ്ടാകും. നഗ്നമായ ഉടല് വിരിച്ച് ഇഴ ജന്തുക്കളുമായി രതിയിലേർപ്പെടുന ്ന പുസ്തകത്താളുകൾ  കട്ടിലിനടിയിൽ നിന്ന് ഞാൻ കണ്ടെടുക്കും. മിനുസമായ വെളുത്ത ഉടലുകളിൽ ചോര തുപ്പി ആനന്ദിക്കുന്ന സാഡിസ്റ്റായ നിന്റെ പേനയുടെ നിബ്ബുകൾ എന്റെ കാലിനടിയിൽ തറഞ്ഞിട്ടുണ്ടാക ും . നിന്റെ വിഷം പുരണ്ട മഷിക്കറ എന്നിൽ കുത്തിവെക്കാൻ നീയെന്നും അതിനെ അലക്ഷ്യമായി വലിച്ചെറിയുന്നത ാണെന്നു എനിക്കറിയാം . പതിവ് പോലെ നിന്റെ മുറിയിൽ നിന്ന് എന്തെങ്കിലും മോഷ്ടിക്കാനാണെന ്നു വരുത്തിത്തീർക്ക ാൻ  എന്റെ മണം മൂലകളിലുപേക്ഷിച ്ച്  ഞാൻ കടന്നു കളയും ©Aswathy
Read more

നിന്റെ നാല് മുഖങ്ങൾ അഥവാ നാല് മുറികൾ .

Image
ഞാനിന്നു വരെ ആവർത്തിച്ചാലോചിച്ച് കണ്ടുപിടിച്ചതൊക്കെ കൂട്ടിനോക്കുമ്പോൾ നിനക്ക് മൊത്തം നാല് മുഖങ്ങളാണുള്ളത്.  നിന്റെ വീട്ടിലെ നാല് മുറികൾ പോലെ . ഓരോ ദിവസത്തിന്റെയും എണ്ണമിഴുക്ക് താഴുമ്പോൾ , ആർക്കും വേണ്ടാത്തതൊക്കെ അലക്ഷ്യമായി വലിച്ചെറിയുന്ന നേരിയ വെട്ടമുള്ള മുറിയായാണ് നീയുറങ്ങാൻ കിടക്കുക. നേരം വെളുത്തു തുടുത്തെന്നറിയിച്ച് വണ്ടികൾ ഉച്ചത്തിൽ സൈറൺ വിളിക്കുമ്പോൾ , മിനുറ്റുകൾക്കകം വിഷാദവും വെറുപ്പുമൊക്കെ വാരിക്കളഞ്ഞ് കൈതുടച്ച്  നിഷ്പക്ഷത കുത്തിത്തിരുകി , സുഹൃത്തുക്കൾ വരുമ്പോൾ നമ്മളൊളിഴിച്ചിടാറുള്ള മുറിയായി നീ പരിണമിക്കുന്നത് കാണാം. നിരത്തിലേക്കിറങ്ങുമ്പോൾ ,വഴിവക്കിൽ പരിചയം പുതുക്കാൻ എതിരെ നടന്നു പോകുന്നവരെ കാണുമ്പോൾ , അതിഥി കൾക്കുവേണ്ടി തിടുക്കത്തിൽ ശുചിയാക്കിയ സൽക്കാരമുറിയായി രൂപംപ്രാപിച്ചു നീ പുഞ്ചിരി വരുത്തുതുകണ്ട് ഞാനൂറിചിരിക്കാറുണ്ട്. വൈകുന്നേരം തിരിച്ചെത്തുമ്പോൾ നീയൊരു പത്തായപ്പുരയായി മൂലയിലേക്ക് മാറിയിട്ടുണ്ടാകും . അന്നു വഴക്കിട്ടു തെറ്റിയവരുടെ എണ്ണംപറഞ്ഞ് , മുഖം വീർപ്പിച്ചതിന്റെ കണക്കു കൂട്ടിനോക്കി , പണ്ട് പിണങ്ങിപ്പോയവരയച്ച ചോക്ലേറ്റിന്റെ മധുരമയവറത്ത്,  ഇരുട്ടിലോടിയൊളിക്കുന്ന പത്തായപ
Read more