ജലശിഖരങ്ങൾ

 മഞ്ഞുകട്ടകൾ മരവിച്ച ജലശിഖരങ്ങളാണ് .

കാറ്റിന്റെ കൈവേരുകൾ തിരകളെ കഴുത്തറ്റം മുക്കുമ്പോൾ പ്രാണവായു വലിച്ചടുപ്പിക്കാൻ പൊഴിച്ചുകളഞ്ഞ പുറംതോടുകൾ .

എഴുത്തില്ലാത്തവന്റെ കൈവിരലുകൾ കടലറുത്തു വിട്ട ഐസുകട്ടകളാണ് .

മരവിപ്പുമാറുമ്പോൾ ഇൻജെക്ഷൻ സൂചിയൂറ്റിക്കുടിച്ച വേദന    

ഉള്ളംകാല് തൊട്ടു തലവരെ തരിച്ചുകയറാൻ  തുടങ്ങും.

മരവിച്ച മഞ്ഞു വിരലുകൾക്ക് മഴ  ഒരു അത്ഭുദമാണ്.

ഒഴുകിയിറങ്ങിയിട്ടും പെയ്‌തു 

കവിഞ്ഞിട്ടും ആവിയായി ഭൂമിയിലേക്കിറങ്ങി വരുന്ന കടലായിക്കഴിഞ്ഞ ഉരുകിയൊലിക്കലുകൾ