ഒളിയമ്പുകൾ

ഇടക്ക് ഞാൻ നിന്റെ കിടപ്പു മുറിയിൽ 
ആരുമറിയാതെ ഒളിച്ചു കടന്നു വരാറുണ്ടായിരുന്നു .

എഴുതാനറച്ച വാക്കുകളെ ഗ്രില്ല് ചെയ്തെടുത്തു ഇടയ്ക്കിടെ കൊറിക്കുന്ന എണ്ണ പുരണ്ട വസ്ത്രങ്ങൾ കഴുകാതെ കിടപ്പുണ്ടാകും.

നഗ്നമായ ഉടല് വിരിച്ച് ഇഴ ജന്തുക്കളുമായി രതിയിലേർപ്പെടുന്ന പുസ്തകത്താളുകൾ 
കട്ടിലിനടിയിൽ നിന്ന് ഞാൻ കണ്ടെടുക്കും.

മിനുസമായ വെളുത്ത ഉടലുകളിൽ ചോര തുപ്പി ആനന്ദിക്കുന്ന സാഡിസ്റ്റായ നിന്റെ പേനയുടെ നിബ്ബുകൾ എന്റെ കാലിനടിയിൽ തറഞ്ഞിട്ടുണ്ടാകും .

നിന്റെ വിഷം പുരണ്ട മഷിക്കറ എന്നിൽ കുത്തിവെക്കാൻ നീയെന്നും അതിനെ അലക്ഷ്യമായി വലിച്ചെറിയുന്നതാണെന്നു എനിക്കറിയാം .

പതിവ് പോലെ നിന്റെ മുറിയിൽ നിന്ന് എന്തെങ്കിലും മോഷ്ടിക്കാനാണെന്നു വരുത്തിത്തീർക്കാൻ 
എന്റെ മണം മൂലകളിലുപേക്ഷിച്ച് 
ഞാൻ കടന്നു കളയും

©Aswathy

Comments

Post a Comment

Popular posts from this blog

130 കോടിയിൽ ഞാനുമില്ല .

Image
130 കോടിയിൽ ഞാനുമില്ല . നൂറ്റമ്പത് കോടിയായാലും ഞാനുണ്ടാവാത്തതു കൊണ്ടു മാത്രം . യോഗക്ഷേമസഭ വെറ്റിലമുറുക്കി   നരവംശശാസ്ത്രം തുപ്പുമ്പോൾ  ഇന്നലെ എന്റെ അപ്പനും ഇന്ന് ഞാനും ഉണ്ടായിരുന്നു . വേതനം തരാൻ നീയെന്തു വേലയാടി ചെയ്യുന്നതെന്നു ം  പറഞ്ഞു കൊങ്ങക്ക് പിടിച്ചു കരണത്തടി കൊള്ളാൻ  അടുക്കളയിൽ ഞാനെന്നുമുണ്ടായ ിരുന്നു. ജടപിടിച്ച് കടത്തിണ്ണയിൽ കേറി കിടന്നാൽ നാട്ടുകാരൊക്കെ ദീനം വന്ന  ചാവുമെന്ന് പറഞ്ഞു പിള്ളാര് മുടിവെട്ടി  ഫോട്ടോയെടുത്ത കൂട്ടത്തിൽ ഞാനുണ്ടായിരുന്ന ു . റേഷൻകാർഡിൽ പേരില്ലാത്തതു കൊണ്ട് പേടിവേണ്ടന്നു  സമൂഹ അടുക്കയിൽ നിന്ന് ചോറ് തരുമെന്ന് . ചാവുന്നെങ്കിൽ വീട്ടിൽ കെടന്ന് ചാവാൻ, വൈറസിനെ വെല്ലുന്ന വേഗത്തിൽ കിലോമീറ്ററുകൾ  താണ്ടുന്ന കൂട്ടത്തിൽ ഞാനുമുണ്ടായിരുന ്നു. പാളത്തിൽ കിടന്നു ചത്തു. ഭാഗ്യം കൊറോണ ചതിച്ചില്ല.  മരിച്ചവരുടെ തിരിച്ചറിയൽ കാർഡ് ചോദിച്ചു ഇനി തല്ലുകൂടിയേനെ. കൊല്ലപ്പെടുമെന് ന് അറിയാമായിരുന്നു   ബീഫു തിന്നാൽ തലയില്ലാതാവുന്ന മറുതയാവുമെന്നും . അപ്പനെപ്പോലെ. കാരണം, കുടിയേറിയവർക്ക് നാടില്ലാതെയാകുന്ന  വെയ്റ്റിംഗ് ലിസ്റ്റിൽ മാത്രം എന്...
Read more

കപ്പേളയിലെ വികല മാതൃകകൾ

Image
സോഷ്യൽ മീഡിയയിൽ അങ്ങോളമിങ്ങോളമുള്ള ട്രോളുകളുടെയും സ്റ്റാറ്റസുകളുടെയും അതിപ്രസരം കണ്ടുണ്ടായ അമിത പ്രതീക്ഷ കൊണ്ടാണോ എന്നറിയില്ല പ്രതീക്ഷകൾക്കൊത്തുയരുന്ന അനുഭവമായിരുന്നില്ല സിനിമകണ്ടപ്പോളുണ്ടായത് . നടീനടന്മാരുടെ നാച്ചുറൽ ആക്റ്റിംഗും സിനിമയുടെ ഗ്രാമീണ തുളുമ്പുന്ന മിഴിവാർന്ന ഷോട്ടുകളുമൊഴിച്ചാൽ പ്രതീക്ഷയെ നിറക്കുന്നതിനു പര്യാപ്തമായില്ല എന്ന് വേണം പറയാൻ . അത്യധികം ശ്രദ്ധയാകർഷിക്കുന്ന സാമൂഹിക പ്രശ്നത്തിന്റെ തിരഞ്ഞെടുപ്പ് മികച്ചതായെങ്കിലും അതിനായി അവലംബിച്ച വഴികൾ നിലവിലുള്ള പല  വികലമായ മാതൃകകൾക്കും  ശക്തിപകരുന്നതാണ് . 1 . കടല് കാണാൻ കൊതിക്കുന്ന നിഷ്കളങ്കയായ പെൺകുട്ടി തന്നിലടിച്ചേല്പിക്കപ്പെട്ട അസ്വാതന്ത്ര്യത്തെ മറികടക്കാൻ, അവൾക്ക് ചുറ്റിലും നിർമിക്കപ്പെട്ട ചങ്ങല മുറിക്കാനുള്ള ധൈര്യമുണ്ടാകാൻ ഒരു പുരുഷാവതാരത്തിന്റെ സഹായത്തോടു കൂടി  മാത്രമേ സാധ്യമാവുകയുള്ളോ? ഇനിയത് കെട്ടിക്കഴിഞ്ഞാൽ നീ എവിടെ വേണമെങ്കിലും പൊയ്ക്കോ എന്ന് കേട്ട് തഴമ്പിച്ച അംഗീകരിക്കപ്പെട്ട ലൈസൻസ് ഉള്ളിൽ അറിയാതെ നാച്ചുറലൈസ്ട്  ചെയ്തതുകൊണ്ടാണോ. നായകൻറെ പീഡന ശ്രമങ്ങളിൽ നിന്ന് മോചിതയാകുമ്പോഴും  റോയ് എന്ന രക്ഷകനോടൊപ...
Read more

പരിഭാഷ -Unburdening Song By Varavara Rao-

Image
ജയിലടക്കപ്പെട്ട തെലുങ്ക്  സാഹിത്യകാരൻ വരവര റാവുവിന്റെ ' UNBURDENING SONG' എന്ന കവിതയുടെ സ്വതന്ത്ര പരിഭാഷ  കടലാഴങ്ങളോടു  ഗോദാവരി പറഞ്ഞു തീർത്ത കണ്ണീർ തുള്ളികൾ കുതിർന്ന കദനകഥകൾ  ആവർത്തിച്ചെണ്ണിപ്പെറുക്കാൻ കിഴക്കൻ കാറ്റിനെപ്പോലെ നീ കടന്നു വന്നു . ജീവാഗ്നിയുടെ അകക്കാമ്പിലേക്കു തന്നെ അഴലാരണ്യങ്ങൾ തുടികൊട്ടുമ്പോൾ മരപ്പച്ചയായി ഞാൻ വാ പൊളിച്ചു . കാഴ്ചക്കന്യമായ വിരൽപ്പാടുകൾ  നമുക്കിടയിൽ എഴുന്നേറ്റുനിൽപ്പുണ്ടായിരുന്നോ ? അനുശാസനകളുടെ ആൾത്തൂണുകൾ  നമ്മിലേക്ക്‌ തന്നെ തുളച്ചുകയറുമ്പോൾ , ഒച്ചയടച്ചു  നാം വാക്കറുക്കുകയാണോ ? കണ്മണിയിൻ കൈവരിക്കോണിൽ പോലും നിന്റെയുടൽനാളം  തെളിഞ്ഞു   പൊങ്ങാതിരിക്കാൻ ഞാൻ   കണ്ണീർച്ചാലുകളൊക്കെയും കൊങ്ങക്കുരുക്കിൽ കുരുതികൊടുത്തു. അനുദിനം മിഴിനീര്ഞ്ഞെട്ടുകൾ  കണ്ഠനാളമൂറ്റി തുളച്ചിറങ്ങുകയാണ് . ഇപ്പോളീ രാവ് , ഗോദാവരിയെ ആഴക്കടൽ മടിത്തട്ടിലേക്ക്  കോരിയെടുക്കുമ്പോൾ ഈ രാവ് തന്നെത്തന്നെ തലോടിപ്പുതക്കുകയാണ് . അപസ്വരങ്ങളായി ദീർഘനിശ്വാസങ്ങളിലമർന്നു  പോയ സ്വരമാധുരികൾ ചിട്ടപ്പെടുത്തുകയാണ് . ഓർമകളിൽ  നിന്നരിച്...
Read more