SOUVENIR -സുവനീർ

സോഷ്യൽ മീഡിയയിൽ അങ്ങോളമിങ്ങോളമുള്ള ട്രോളുകളുടെയും സ്റ്റാറ്റസുകളുടെയും അതിപ്രസരം കണ്ടുണ്ടായ അമിത പ്രതീക്ഷ കൊണ്ടാണോ എന്നറിയില്ല പ്രതീക്ഷകൾക്കൊത്തുയരുന്ന അനുഭവമായിരുന്നില്ല സിനിമകണ്ടപ്പോളുണ്ടായത് . നടീനടന്മാരുടെ നാച്ചുറൽ ആക്റ്റിംഗും സിനിമയുടെ ഗ്രാമീണ തുളുമ്പുന്ന മിഴിവാർന്ന ഷോട്ടുകളുമൊഴിച്ചാൽ പ്രതീക്ഷയെ നിറക്കുന്നതിനു പര്യാപ്തമായില്ല എന്ന് വേണം പറയാൻ . അത്യധികം ശ്രദ്ധയാകർഷിക്കുന്ന സാമൂഹിക പ്രശ്നത്തിന്റെ തിരഞ്ഞെടുപ്പ് മികച്ചതായെങ്കിലും അതിനായി അവലംബിച്ച വഴികൾ നിലവിലുള്ള പല  വികലമായ മാതൃകകൾക്കും  ശക്തിപകരുന്നതാണ് . 1 . കടല് കാണാൻ കൊതിക്കുന്ന നിഷ്കളങ്കയായ പെൺകുട്ടി തന്നിലടിച്ചേല്പിക്കപ്പെട്ട അസ്വാതന്ത്ര്യത്തെ മറികടക്കാൻ, അവൾക്ക് ചുറ്റിലും നിർമിക്കപ്പെട്ട ചങ്ങല മുറിക്കാനുള്ള ധൈര്യമുണ്ടാകാൻ ഒരു പുരുഷാവതാരത്തിന്റെ സഹായത്തോടു കൂടി  മാത്രമേ സാധ്യമാവുകയുള്ളോ? ഇനിയത് കെട്ടിക്കഴിഞ്ഞാൽ നീ എവിടെ വേണമെങ്കിലും പൊയ്ക്കോ എന്ന് കേട്ട് തഴമ്പിച്ച അംഗീകരിക്കപ്പെട്ട ലൈസൻസ് ഉള്ളിൽ അറിയാതെ നാച്ചുറലൈസ്ട്  ചെയ്തതുകൊണ്ടാണോ. നായകൻറെ പീഡന ശ്രമങ്ങളിൽ നിന്ന് മോചിതയാകുമ്പോഴും  റോയ് എന്ന രക്ഷകനോടൊപ...

മത്സുവോ ബാഷോയുടെ  summer grass എന്ന കവിതയുടെ സ്വതന്ത്ര പരിഭാഷ ...... വേനലരിച്ചെടുത്തു പൊള്ളുന്ന കച്ചികോലുകൾ ഒടുവിലൊടുങ്ങാതെ ഇമവെട്ടിയൊഴിഞ്ഞു ചോരാത്തതു വാളെടുത്തു വീറുതിർത്തുണങ്ങിപ്പോയവരുടെ കിനാക്കാഴ്ചകൾ മാത്രം ..... Poem : The summer grasses. All that remains Of warriors’ dreams.

നിസാർ ഖബാനിയുടെ When I Love എന്ന കവിതയുടെ സ്വതന്ത്ര പരിഭാഷ . പ്രണയമെന്നിലൊഴുകിപ്പരക്കുമ്പോൾ  മിനുട്ടുസൂചികൾ ക്യാരംസ് കളിക്കുന്നത് എന്റെ കൈവെള്ളയിലാണെന്നാണ് എനിക്ക് തോന്നുക . ഭൂമിയിലെ സകലതിനെയും കാൽക്കീഴിലാക്കിസൂര്യനിലേക്കു കുതിക്കുന്ന കുതിരയുടെ കടിഞ്ഞാൺ മുറുക്കുന്ന അരുണനായി ഞാനപ്പോൾ കിരീടമണിയും. പ്രണയ നാളങ്ങളെന്നിൽ പൊഴിഞ്ഞു വീഴുമ്പോൾ കണ്ണുകൾക്കൊരിക്കലും ചെന്നെത്താനാകാത്ത , ഒഴുകിയൊലിക്കുന്ന വെളിച്ചത്തുണ്ടുകളായി ഞാനിഴകീറി പിരിയും . പ്രണയമെന്നിൽ കവിഞ്ഞൊഴുകുമ്പോൾ എന്റെ നോട്ടുപുസ്തകങ്ങളിൽ എഴുത്താണി ചുരന്ന വരികളെല്ലാം തൊട്ടാവാടിയും പോപ്പിച്ചെടിയും കുരുക്കുന്ന പാടങ്ങളായി പരിവർത്തനം ചെയ്യപ്പെടും . ഞാൻ പ്രണയരേണുക്കളിലമരുമ്പോൾ എന്റെ വിരൽത്തുമ്പുകളിൽ നിന്ന് പ്രളയജലമിരച്ച് കയറും . നാവിൽ പുൽക്കൊടികൾ കിളിർത്തു വള്ളിപ്പടർപ്പുകൾ കെട്ടിപ്പിണയും. പ്രണയമെന്നെ കുടിച്ചു വറ്റിക്കുമ്പോൾ ഞാൻ ഘടികാര ചുവയുള്ള പടിക്കെട്ടിനു പുറത്താണ് . ഒരു സ്ത്രീയിലേക്കു എന്റെ പ്രണയാഗ്നി ആളിപടരുമ്പോൾ മരങ്ങളെല്ലാം ഇലകളുരിച്ചു കളഞ്ഞ് നഗ്‌നമായ ഉടലുകളുമായി എന്നിലേക്കോടിയണയും. Poem: When I love I feel that I am the king of time I...

പി ജി ക്ക് തീസിസ് ചെയ്തത് മുഖ്യധാരാ പ്രശനങ്ങളിൽ നിന്ന് ശ്രദ്ധ വഴിതിരിച്ചുവിടാൻ മനഃപൂർവ്വം സൃഷ്ടിക്കപ്പെടുന്ന കോൺട്രോവേർസികളെപ്പറ്റിയാണ് . കോൺട്രോവേർസി ഒരു തീപ്പൊരിയാണ്. നോക്കെത്താദൂരത്തു തിരിച്ചറിയപ്പെടാതെ കിടക്കുന്ന വൈക്കോൽത്തുറുവുനിനെപ്പോലും പൊള്ളിച്ചു തീഗോളങ്ങൾ സൃഷ്ടിക്കാൻ കെൽപ്പുള്ള വഴിമരുന്നുകൾ. നിലവിലുള്ള പ്രശ്നങ്ങളിലേക്കൊന്നും കണ്ണെത്താതിരിക്കാൻ ആളുകളുടെ "വ്രണപ്പെടുന്ന"വികാരങ്ങളിലേക്കു ചൂണ്ടയിട്ട് കൊളുത്തിയാൽ മതി. അതിനു പിറകെ വായ്ത്താരികൾ പരന്നു ഒരു ശബ്ദകോലാഹലം ഉണ്ടാകുമ്പോഴേക്കും യഥാർത്ഥത്തിൽ അടിസ്ഥാനം വരെ ഊറ്റിഎടുക്കുന്ന പ്രശ്നങ്ങൾ മറക്കപ്പെട്ടിട്ടുണ്ടാകും .അല്ലെങ്കിൽ ന്യൂ നോർമൽ ആയി മാറിയിട്ടുണ്ടാകും . ആ ചുരുങ്ങിയ കാലയളവിൽ ഓണത്തിനിടക്ക് പുട്ടുകച്ചവമായി, മതിയാവോളം ജനശ്രദ്ധയാകര്ഷിക്കപ്പെട്ടാൽ വോട്ടുബാങ്ക് ചോർന്നു പോകുമെന്നുള്ള ഭയം കാരണം മാറ്റിവെയ്ക്കപ്പെട്ട പലതീരുമാനങ്ങൾ പോലും ആരുമറിയാതെ നടപ്പിലാക്കാക്കി ലാഭം കൊയ്യാം. കൊടുമ്പിരി കൊള്ളുന്ന സങ്കീര്ണതകൾക്കിടയിൽ ഒച്ചവെയ്ക്കാനാളുണ്ടാവുകയില്ല .കൊറോണ താണ്ഡവത്തിലേക്കു ആളുകൾ കണ്ണും നട്ടിരികുമ്പോൾ ഒരു വശത്തു കൂടെ വന്ന് സച്ചിനേക്ക...

കവിതകൾ ആത്മാവിൽ രാപ്പാടിയുടെ ചിലമ്പുകൾ സൂക്ഷിക്കുന്നുവെന്നു കീറ്റ്‌സ് പഠിപ്പിച്ച പാഠങ്ങൾ ഞരമ്പുകളിൽ വർണ്ണ വര്ഷം തെളിയാൻ ഓർക്കുക നല്ലതാണ് . പുൽനാമ്പിൽ സൂര്യതേജസ് കണ്ടു കോരിത്തരിച്ച കവിതാതലമുറകളുടെ ഭാരം ചുമന്നു വെളുപ്പാൻ കാലത്തു മഴയത്തു പൊട്ടിമുളച്ച ജൈവചേതനയെ വാഴ്ത്തിപ്പാടണമെന്നു ഉറപ്പിച്ചു . ചുമച്ചു തുപ്പിയ രക്തക്കറ മുളച്ചു നിൽക്കുന്നുണ്ട് മനുഷ്യന്റെ അസ്ഥി നുറുക്കിയ ക്ഷയം ഇരുട്ടത്തു വീട് തപ്പാൻ ഇറങ്ങി പുറപ്പെട്ടതാണ് . വയ്ക്കോൽ തുറുവിലെ മഞ്ചാടിക്കുരുക്കൾ ... ഹ ഹ ഹ ഇന്നത്തേക്കുള്ള വരികളായി.. കറ നല്ലതാണ് .....

നിങ്ങൾക്ക് വാക്കുണ്ടാവുന്നത് വാക്കില്ലാതെയായവരുടെ തിരഞ്ഞെടുപ്പുകളുടെ ശവസംസ്കാരവേളയിലാണ് . നിങ്ങളുടെ ഉയരുന്ന ഒച്ചയുടുക്കുകൾ ,താഴ്ന്ന പ്രതലങ്ങളിലേക്ക് തിരയനക്കങ്ങൾ പോലുമിളകാത്ത വണ്ണം, ഭ്രൂണാവസ്ഥയിലേ കെടുത്തുന്ന മറുമരുന്നുകളായിനിങ്ങളുടെ പേരുകൾ സൂക്ഷിച്ച നിശ്ശബ്ദതതകളുടെ  മരവിപ്പുകളിലാണ് . നിങ്ങളിൽ നിന്നത്രയും അകലത്തിൽ ഒരു വിള്ളൽ പോലും നിങ്ങളുടെ വീടിനെ പ്രകമ്പനം കൊള്ളിക്കാത്ത വണ്ണം , ഒച്ചകൾ ഇഴകീറിപ്പിരിച്ചു മരവിപ്പ് മണ്ണിലൊഴുക്കുന്ന ആണവനിലയങ്ങളിൽ മെരുക്കിയ കവചങ്ങളുടെ നിഴലുകളിലാണ്. Pic Courtesy - Painting tiled the Scream By    Edvard Munch

ഞാനും നിങ്ങളും നമുക്ക് ചാർത്തപ്പെട്ട പ്രിവിലേജുകൾ കൊണ്ടും തിരഞെടുക്കാൻ നിർബന്ധിതരായ ജീവിത രീതികൾ കൊണ്ടും തികച്ചും അസമത്വത്തിലാഴ്ന ്ന രണ്ടു ക്‌ളാസ്സുകളിൽ പെടുന്നവരാണെന്ന ു കരുതുക .നിങ്ങളെ പ്പോലെയുള്ളൊരാള ായിയാണ് നിങ്ങൾ എന്നെ പരിഗണിക്കുന്നത് ‌ എന്ന് വിചാരിക്കുക . പക്ഷെ ഞാൻ സമത്വത്തിന്റെ പടിക്കെട്ടിൽ നിങ്ങൾക്ക് കീഴെയാണെന്നു നിങ്ങൾ അറിയാതെ തന്നെ എന്നിൽ വേരോടിയിട്ടുണ്ട ാവും ! . ഇനി നാം തുല്യരാണെന്നു വിശ്വസിക്കാൻ ഞാൻ തയ്യാറാണെങ്കിലു ം ,എന്റെ ക്ലാസ്സിലും ,ഉയർന്ന ക്ലാസ്സിലും അങ്ങനെയുള്ള വിശ്വാസങ്ങളിൽ ഉയിർത്തെഴുന്നേറ ്റ എന്നെ ഒരിക്കലും സ്വീകരിക്കുകയില ്ലെന്ന യാഥാർഥ്യവും ഭയവും കാരണം ഇപ്പോളിരിക്കുന് ന ക്ലാസ്സിൽ തന്നെ തുടരാനും അണ്ഈക്വൽ ആണെന്ന് പറയാനും ഞാൻ തന്നെ നിര്ബന്ധിതനാവും  . എന്റെ വഴിയിടങ്ങളും സുപരിതരായ വ്യക്തിത്വങ്ങളു മെല്ലാം എന്റെ ഭൂതകാലം , ക്ലാസ് ഐഡന്റിറ്റി , ജൻഡർ ഐഡന്റിറ്റി എന്നിങ്ങനെ മാറ്റിനിർത്താൻ ഉപയോഗിക്കുന്ന ലേബലുകൾ നിരന്തരം ഓര്മപ്പെടുത്തിക ൊണ്ടേയിരിക്കും . രത്ന വേലക്കാരിയാണ് . ഗ്രാമത്തിൽ നിന്ന് മെച്ചപ്പെട്ട ജീവിതം കരുപ്പിടിപ്പിക് കാനായി , തനിക്കൊപ്പമുള്ള വരെ കൈപിടിച്ചുയർത്ത ാനായ...

ചട്ടിയും കലവും അടുക്കളയിൽ കമഴ്ന്നിരുന്നു സൊറപറയുകയാണ് . " നീ കണ്ടാടി , നമ്മളൊരുമിച്ച് ഇങ്ങോട്ടു കേറി വന്നതാണ്  ഇന്നേ വരെ അയാളൊന്നു മുട്ടി നോക്കിയിട്ടുണ്ട ോ കാലമാടൻ ! അയാൾക്ക് തീണ്ടലാണ് ." "ഏത് " "കേട്ടിട്ടില്ലേ  നീ അയിത്തം, അയിത്തം  അപ്പൂപ്പൻ പറഞ്ഞ് കേട്ടിരിക്കണ്. പാടത്തു വിളയണ കനി എടുത്തു നുറുക്കി വെട്ടി വായിലാക്കാം, എന്നാലും വിളവെടുത്തവരെ തൊട്ടുകൂടാന്ന് ." ആഹ്ഹ് അതിപ്പഴും ഉണ്ടെടി " "എവിടെ " "ഇവിടെ തന്നെ, ഈ മനിഷ്യമാർക്ക് തമ്മിൽ ഇപ്പഴും അയിത്തമാണ് , ഇന്നാള് ചേച്ചി അങ്ങേരോട് പറേണുണ്ടായിരുന് നു  തൊട്ടുകൂടാ ,വിളക്കുകത്തിക് കാൻ കൊച്ചിനോട് പറയാൻ .. അപ്പഴെ ഞാൻ പറയാൻ വന്നതാണ് കൂടുതൽ അയിത്തം നിങ്ങള് തമ്മില് തന്നെ വേണോ ചേച്ചി  ഇതില്ലാര്ന്നെ പിന്നെ ഈ കൊച്ചുണ്ടാവോന്ന ു ." "ശരിയാ .  ഇങ്ങേർക്ക് നമ്മളോട് അയിത്തമാണെടി  നമ്മളെയെന്നെങ്ക ിലും തൊട്ടിരിക്കണാ .. ചുട്ടുപൊള്ളി അടുപ്പത്തു കിടന്നു പൊള്ളി നീറുമ്പോ കരി പിടിച്ചിരിന്നപ് പോ ഒന്ന് വെള്ളം തളിച്ചാ ." "ഓ ശരിയാണ്  അയാൾക്ക് അയിത്തമാണ് . നമ്മള് ഉരുകിത്തീരണ ചോറ് ഉള്ളിലിറങ്ങും നമ്മളോട് അയ...

മത്സുവോ ബാഷോ യുടെ ഒരു ഹൈകുവിന്റെ പരിഭാഷയാണ് . വാക്കുകളെ അത്രയും പരിമിതപ്പെടുത്ത ി മുറിച്ചും അളന്നെടുത്തും ഈസ്റ്റേൺ ദാര്ശനികത ഒഴുകിപ്പരക്കുന് ന വരികളാണ് . പക്ഷെ ഞാൻ പരിഭാഷപ്പെടുത്ത ുന്നത് വാക്കുകളുടെ ധാരാളിത്തത്തോടെ യാണ് . ഹൃദയത്തിൽ ആഴത്തിൽ പരക്കുന്ന വായനയാനുഭൂതിയുട െ പരിഭാഷ എന്ന് പറയുന്നതാവും ശരി. വാക്കുകൾ കുഴിച്ചെടുത്തു പറക്കുന്ന വ്യാളിയുടെ മുഖാമായിരുന്നു അപ്പോളെനിക്ക് ... പരിഭാഷയും ഹൈകുവും താഴെ കുറിക്കുന്നു . വറ്റിവരണ്ടുണങ്ങി  , വസന്തത്തിന്റെ നേർത്ത നൂലുകൾ പിൻവാങ്ങലിന്റെ വക്കുരച്ചു മറവിയിലാഴുന്നു . കണ്ണീര്മഴകളിൽ തോർന്ന പക്ഷികളുടെ നിലവിളിയാരവങ്ങൾ  . മീനുകൾ അടയാത്ത നേത്രബിന്ദുക്കള ിൽ നിന്നൊഴുകി പരക്കുന്ന കണ്ണീർചാലുകളിൽ കുതിര്ന്നുഴലുന് നു . Original poem : Spring is passing. The birds cry, and the fishes’ eyes are  With tears

കുപ്രസിദ്ധിയാർജ ിച്ച് ചരിത്രത്തിലിന്ന ും കറുത്തിരുണ്ട് കിടക്കുന്ന ടോട്ടാലിറ്റേറിയ ൻ ഗവണ്മെന്റുകളുടെ യൊക്കെ ശക്തമായ ആയുധം അന്ധമായ ദേശീയതയ്ക്കു വെള്ളവും വെളിച്ചവും വളവും നൽകി തഴച്ചു വളർത്തുക എന്നതായിരുന്നു. ഫാസിസമെന്ന കരാള ഹസ്തങ്ങൾക്കിടയി ൽ ലോകരാജ്യങ്ങളെ ഒന്നാകെ വിറപ്പിച്ച ഹിറ്റ്ലറും മുസോളിനിയുമൊക്ക െ , രാജ്യത്തിന്റെ അടിസ്ഥാനപ്രശ്നങ ്ങളിലേക്ക് ജനകീയ രോഷത്തിന്റെ വിപ്ലവമുനകൾ പതിയാതെ സൂക്ഷിക്കാൻ കണ്ടെത്തിയ തന്ത്രം ദേശീയതക്ക് വിളനിലമൊരുക്കുക  എന്നതാണ്. നമുക്ക് സമ്പന്നമായ ഭൂതകാലമാണ് ഉണ്ടായിരുന്നതെന ്നും അത് ആധുനിക സാങ്കേതികവിദ്യയ െപ്പോലും കവച്ചുവെക്കുന്ന വയാണെന്നും, ജനങ്ങളെ കോരിത്തരിപ്പിക് കുന്ന റേറ്ററിക്കുകളില ും നറേറ്റിവുകളിലും  കുത്തിനിറക്കുന് നതു ഈ ടൂളിന്റെ ഭാഗമായാണ് . അത്രയും മഹത്തായ ചരിതസമ്പന്നത കൈമുതലായുള്ള ജനതയാണെന്നുള്ള വായ്ത്താരികൾ അനുദിനം മുഴങ്ങുമ്പോൾ , ഏകീകരണ പ്രക്രിയകൾ (യൂണിഫിക്കേഷൻ) എളുപ്പമാകും. ചരിത്രത്തിൽ എടുത്തുപറയത്തക് ക ഒരു കച്ചിത്തുരുമ്പു പോലും സ്വന്തമായി അവകാശവാദം ഉന്നയിക്കാനുതകു ന്നില്ലെങ്കിൽ പുതിയ ചരിത്ര നിർമിതി നടത്താതെ വയ്യ . ഹിസ്റ്ററി സബ്ജക്റ്റീവ് ആണെന്ന് പോ...

അടിസ്ഥാന പ്രശ്നങ്ങളിലൂന്നിയ സാമൂഹിക ക്ഷേമ പദ്ധതികളും , ശക്തമായ തദ്ദേശസ്വയംഭരണ സ്ഥാപനങ്ങളുടെ നട്ടെല്ലുറപ്പും കൊണ്ട് തന്നെയാണ് കോവിഡിന്റെ പനിച്ചൂടിൽ രാജ്യം വിറയ്ക്കുമ്പോൾ നമ്മൾ അല്പമെങ്കിലും ആശ്വാസത്തോടെ ജീവിതം മുന്നോട്ടു തുഴയുന്നത്. യുഎന്നിന്റെ മിലേനിയം ഗോളുകളിലൊന്നായിരുന്ന സാർവത്രിക വിദ്യാഭ്യാസം നാം ഭരണഘടനയിൽ വരച്ചു ചേർത്തിട്ടു ഒരു പതിറ്റാണ്ടിലധികം പിന്നിട്ടിട്ടുമില്ല . എന്നാൽ സാക്ഷര കേരളമെന്നു നാഴികക്ക് നാല്പതു വട്ടം പറയുന്ന നമ്മുടെ നാട്ടിലും, സ്കൂളുകളിൽ നിന്ന് ദളിത് ആദിവാസി വിഭാഗങ്ങളിലെ കുട്ടികളുടെ കൊഴിഞ്ഞുപോക്കു കൂടുകയാണ് എന്നാണ് കണക്ക്. കോവിഡിന്റെ മുൾമുനയിൽ വിദ്യാഭ്യാസം ഓൺലൈൻ വിഭവമായി കുട്ടികളുടെ മുന്നിലെത്തുമ്പോൾ പാർശ്വവത്കരിക്കപ്പെട്ട സമൂഹത്തിനു അതെത്രത്തോളം പ്രാപ്യമാണ് എന്നുള്ളത് ഊഹിക്കാവുന്നതേയുള്ളു . കീഴാളരെന്നു മുദ്രകുത്തിയിരുന്ന വലിയൊരു വിഭാഗം ജനതയെ,സവർണശക്തികൾ കുത്തകയാക്കി കൈവശം വെച്ചിരുന്ന ഭൂമി പിടിച്ചെടുത്തു നാം കൈപിടിച്ചുയർത്തി എന്നതു ചരിത്രത്തിൽ മായാതെ കിടപ്പുണ്ടെങ്കിലും അധ:സ്ഥിതരുടെ ഉന്നമനം എത്രത്തോളം സാധ്യമായി എന്നത് ഇന്നും പ്രഹേളികയാണ്. ഒരു ഫോണിന്...

സ്ത്രീകൾക്ക് അത്യാവശ്യം ഫ്രീഡം കൊടുക്കുന്ന മോഡേൺ ഫാമിലിയിൽ നിന്ന് വരുന്ന മലയാളിക്ക് കിടപ്പുമുറിയിലേക്ക് ഒളിഞ്ഞു നോക്കിയാലേ വികാരനിർവൃതി കൊള്ളാനാവൂ എന്നുണ്ടെങ്കിൽ കൂടുതൽ സഭ്യമായ പെരുമാറ്റം പ്രതീക്ഷിക്കുന്നത് പോലെ വേറെ അബദ്ധമുണ്ടാകുകയില്ല . ഫ്രോയിഡ് പറയുന്നത് പോലെ നിങ്ങളുടെ ആന്തരിക ചോദനകളെ എത്രത്തോളം അഗാധ സീമകളിലേക്ക് അടിച്ചമർത്തുന്നുവോ, അതിന്റെ പതിന്മടങ്ങു വേഗത്തിൽ നിങ്ങളുടെ വാക്കുകളിലും അഭിപ്രായങ്ങളിലുമൊക്കെ അതിന്റെ അനുരണങ്ങൾ ആവർത്തനങ്ങളായി കൊണ്ടേയിരിക്കും. പി ജി ക്ലാസ്സുകളിൽ പഠിച്ച സീമസ് ഹീനിയുടെ പണിഷ്മെന്റ് അഥവാ ശിക്ഷ എന്ന കവിതയാണ് ഓർത്തു പോകുന്നത് . വേശ്യാവൃത്തി ആരോപിക്കപ്പെടുന്ന പെൺകുട്ടി മരണശിക്ഷയേറ്റുവാങ്ങാൻ നടന്നു നീങ്ങുമ്പോൾ വിറയ്ക്കുന്ന അവളുടെ ഉടലാഴങ്ങളിലെ അവയവ ചാരുതകൾ വർണ്ണിക്കാൻ തക്ക തൊലിക്കട്ടി കാണിക്കുന്ന 'വോയറിസ്റ്റിക്' കണ്ണുകളെ അതിൽ വരച്ചു കാട്ടുന്നുണ്ട് . എന്തുകൊണ്ടാണ് ശിക്ഷിക്കപ്പെടുന്നത് , അതിലെത്രമാത്രം ശരിതെറ്റുകൾ മരവിച്ചു നിറം കെട്ടു കിടപ്പുണ്ട് എന്നതിലേക്കൊക്കെ ചിന്താമഗ്നരാവും മുൻപേ അവളുടെ ശാരീരിക വടിവുകളിലേക്ക് കണ്ണുകൾ കുഴിച്ചിട്ട മനോവ്യാപാരങ്ങൾ !! ഇത...