കറ നല്ലതാണ്

കവിതകൾ ആത്മാവിൽ രാപ്പാടിയുടെ ചിലമ്പുകൾ സൂക്ഷിക്കുന്നുവെന്നു കീറ്റ്‌സ് പഠിപ്പിച്ച പാഠങ്ങൾ ഞരമ്പുകളിൽ വർണ്ണ വര്ഷം തെളിയാൻ ഓർക്കുക നല്ലതാണ് .

പുൽനാമ്പിൽ സൂര്യതേജസ് കണ്ടു കോരിത്തരിച്ച കവിതാതലമുറകളുടെ ഭാരം ചുമന്നു വെളുപ്പാൻ കാലത്തു മഴയത്തു പൊട്ടിമുളച്ച ജൈവചേതനയെ വാഴ്ത്തിപ്പാടണമെന്നു ഉറപ്പിച്ചു .

ചുമച്ചു തുപ്പിയ രക്തക്കറ മുളച്ചു നിൽക്കുന്നുണ്ട്

മനുഷ്യന്റെ അസ്ഥി നുറുക്കിയ ക്ഷയം ഇരുട്ടത്തു വീട് തപ്പാൻ ഇറങ്ങി പുറപ്പെട്ടതാണ് .

വയ്ക്കോൽ തുറുവിലെ മഞ്ചാടിക്കുരുക്കൾ ...

ഹ ഹ ഹ

ഇന്നത്തേക്കുള്ള വരികളായി..

കറ നല്ലതാണ് .....